Plantun de Prouvènço

Pèr coumpara dos planto d'encò nostre

Rhynchostegiella tenella & Juniperus thurifera

Rhynchostegiella tenella

Brachytheciaceae

Nom en français : Longbec fin.

Descripcioun :
Aquelo mousso pluroucarpo sedouso, poulideto e mau-eisado à derraba (fau un coutèu) trachis dins li relarg d'oumbro e fres, pulèu sus roco cauquiero (mai pas soulamen). Èi pulèu pichoto pèr uno mousso pluroucarpo. Li tijo e fueio soun primo ; li fueio de 1 à 1,5 mm soun tambèn primo, tout en long e en lanço ; se vèi pas gaire la costo, elo tambèn longo.

Usanço :
Se pòu engana emé d'àutri mousso pluroucarpo di fueio primo. Amblystegium serpens a de fueio en lanço pu larjo e douno pas un biais sedous. Rhynchostegiella litorea di proun proche e que trachis en ribo de mar, a de cellulo apicalo de fueio pu courto qu'aquéli dóu mitan.

Port : Pluroucarpo
Taio : 2 à 3 cm
Fueio : 1 à 1,5 mm
Tipe bioulougico :
Cicle bioulougico : Planto renadivo

Gènre : Rhynchostegiella
Famiho : Brachytheciaceae

Ordre : Hypnales

Coulour de la flour :
Petalo : 0,6 à 1,2 mm
Ø (o loungour) flour : Coumplet
Flourido : Autouno

Sòu : Ca (Si)
Autour basso e auto : 10 à 1800 m
Aparado : Noun
Óutobre à desèmbre

Liò : Roco - Esboudèu - Paret - Muraio
Estànci : Mesoumediterran à Mountagnard
Couroulougi : Oulartico
Ref. sc. : Rhynchostegiella tenella (Dicks.) Limpr., 1890

Chai

Juniperus thurifera

Cupressaceae

Noms en français : Genévrier thurifère, Porte-encens.

Descripcioun :
Aquéu chai (noum generi dóu genèbre en mountagno) trachis sus li pendis secarous e cauquié à l'adré d'ùni mountagno. Douno d'èr au mourvèn emé si fueio en escaumo, pamens pòu deveni un pichot aubre. Se destrìo tambèn de la sabino que si grano soun pu grosso (1 cm de diamètre en liogo de 0,5 cm). Lou chai es uno reliclo dóu tèms ounte fasié mai fre e pu se en Éuroupo (-10 000 an B.P.). Trachis forço lentamen.

Usanço :
Soun bos s'apourridis quàsi pas talamen èi dur. Servié à faire de piquet, de cop que i'a de pichòti fusto, de moble o de pichòti besougno (porto-encèns).